مين السبب؟

آه يابلد كل شىء فيكى اتقلب
الضعيف فيكى اتغلب
والنضيف بيته اتخرب
والخضار اصبح عنب
الدمار منى قرب
الجهاد اصبح شعار
فين الثوار ماتوا العرب
والضمير جوه العلب
والكبير فيكى اتضرب
الصفيح خلوه دهب
والقلوب فيها غضب
حتى القمر نوره اتسحب
والنجوم والهموم قلبى تعب
حتى الطيور فى عشها كله اغترب
والحق مبقاش حقيقه الاصيل فينا هرب
كل جميل جوانا اغتصب
صاحبى الخليل نافق كدب
خير بلادى اتنهب
جهز حطب
اصبر شويه واحتسب
بيتنا اتخرب
كل شىء فينا اتقلب
ماتوا العرب
فين الغضب
الدمار لينا قرب
والامل فينا اكتئب
مين السبب
مين السبب

ش