الحلووو زعلان لييييييييه؟؟؟....

جت ثايره متوترة و قلت الحلو زعلان ليه"
"الله يجازيهم حرام يزعلون المترفه
رفعت حواجبها وزمت رمشها والموت فيه"
"قالت بكيفي والسبب ماهو بلازم تعرفه
شي ما يخصك اتركني في حالي الحزن اشتهيه"
"احد اشتكى لك؟ يووه يا بعض الخلايق ملقفه
قلت انت لو ما تشتكين الهم قلبي يشتكيه"
"من يوم اشوف الحزن من تحت الرموش المورفه
وشلون ما تبغيني اسأل ليه همك تحمليه"
"واناا بتهاجاتي على نفسيتك متوقفه
زود انفعالاتك يؤثر بانفعالاتي واتيه"
"تأثير يتناسب تناسب طردي ابنفس الصفه
لو اعرف اللي زعلك والله للعن والديه"
"وإلا يجي لك يعتذر غصباً عن اللي خلفه
قالت على بالك تتريق؟؟ يا برودك يييييييه ييه"
"احر ما عندي هو ابرد شي عندك والطفه
قلبتها ليه فيزياء وانا احسب انك سيبويه"
"اقول لك حره وبرضك ماتسيب الفلسفه
مدري انت تستغبي معي وإلا مسوي لي نبيه؟"
"وإلا انت فاكرني لهذا الحد انا متخلفه؟
لا لا حبيبي مو بنا اللي يخدعه ما تدعيه"
"مبروم ما يفتل على مبروم لعبك بكشفه
تقتل قتيلك ثم تمشي في الجنازه تقتفيه"
"من يوم آعرفك وانت ما تترك معاي اللفلفه
قلت اذكري الرحمن واعطيني سبب واحد وجيه"
"يعطيك حق انك تدينيني لو انك منصفه
قالت لي اسأل نفسك اش سويت بالحب النزيه"
"منهو الذي مشغول جواله ودمي استنزفه؟
ثلاث ساعات اتصل مشغول يا(خي) وليه"
"مدري تفاوض بوش وإلا انها بداية معرفه
طبعاً مطنشني وداخل جو لكن وش عليه"
"ماني بزعلانه على شانك وإلا متحسفه
ليه الحسايف دام قلبك باع قلباً مشتريه"
"إلا خساره فيك دمعاً في غيابك بذرفه
قامت وراحت واتركتني قلت معذاري اسمعيه"
"زمت شفايفها ولفحت شعرها في عجرفه
لحقتها قلت افهمي الموضوع قالت ما ابيه"
"قلت انت حره واتركتني آآآآآآه ياهي مجحفه
اسبوع يا(الظالمه) لا زادي ولا النوم اهتنيه"
"احب هالمجنونه اللي في عذابي مسرفه
من يوم راحت والسوالف كلها لهجة سفيه"
"وذكرياتي لأجل يسكت كلها تستحلفه
والوقت باسط كف قابض كف يفرك في يديه"
"له عين يتشمت وانا اللي كنت بالضحك اتلفه
ان كان مر اسبوع ما جاني اتصالاً محتريه"
"بطلبك يا(القلب) خدمه كان ما فيه اكلفه
اطلع شهار وقول عندي شخص ربي مبتليه"
"واحجز سريراً زين في غرفه فسيحه مشرفه
ومر وصلني عسى الله لا يهينك يالوجيه"
"تلقاني اتحراك لابس ثوب نوم ومنشفه